Бір шаңырақ астында – әуен арқылы бірлікке бастаған сабақ.
Бір шаңырақ астында – әуен арқылы бірлікке бастаған сабақ.
«Өнер-өшпес қазына» тақырыбындағы Өнер әдістемелік пән бірлестігінің онкүндігі аясында музыка пәнінің мұғалімі Райымбекова Бибігүл Төребекқызы Zoom платформасымен «Бір шаңырақ астында» тақырыбында ерекше дуэт-сабақ өткізді.
Сабаққа #43 орта мектеп пен #6 орта мектептің музыка пәні мұғалімдері Сәуле Сейілханқызы мен Райымбекова Бибігүл жетекшілік етті. Екі мектептің 5-сынып оқушылары арасында Zoom арқылы өткен бұл сабақта оқушылар бір-бірімен қашықтықтан ән шырқап, ұлттық және заманауи музыкалық шығармаларды бірігіп орындады. Музыка тілі – тілсіз түсіністік пен рухани үндестіктің жаршысы екенін тағы бір дәлелдеді.
Оқушылар тек ән айтып қана қоймай, бір-бірінің мәдениетін, өнерге деген көзқарасын танып, ортақ құндылықтарды бөлісті. Сабақтың мазмұны оқушылардың көркемдік-эстетикалық талғамын дамытып қана қоймай, оларды достыққа, татулыққа, ынтымаққа баулыды.
Осындай игі бастамалар оқушылардың креативтілігін арттырып, мектептер арасындағы байланысты нығайтатыны сөзсіз. Мұғалімдердің кәсіби ынтымақтастығы мен жаңашылдығы – білім саласындағы жарқын өзгерістердің кепілі.Бұл сабақтың да ерекшелігі — осында.
Музыка да, бұл өтілген сабақ та жүректерді біріктіретін көпір іспетті. Ал сәтті қолданылған Zoom платформасы сол көпірдің берік тұғырындай әсер қалдырды.
Білікті ұстаздарға шығармашылық өрлеу тілей отырып, шәкірттерге сапалы білім берудегі және жас мамандарға әдістемелік жол көрсетудегі еңбектеріңіз жана берсін демекпіз!
